Om Kaldavasshytta
Kaldavasshytta er ei ubetjent hytte som er ope heile året. Rundt Kaldavass er det vilt og vakkert høgfjellsterreng, som er relativt lett tilgjengeleg få Upsete.

Med toget som transportmiddel kan ein nå hytta på T-merka stiar frå Upsete Stasjon, Myrdal Stasjon og Hallingskeid stasjon. Kortaste ruta er frå Upsete, som er 6 km og 400 høgdemeter – perfekt for barnefamiliar!

Lokasjon
Kaldavasshytta (1275 m.o.h.) ligg vakkert til på ryggen som skil Kaldavatnet i to.

Om hytta
På Kaldavass finn du tre bygningar: ei hovudhytte, ei sikringshytte og eit uthus med do.
– Tal på senger: 18 senger (4 senger i sikringshytta og 14 senger i hovudhytta)
– Tal på senger som er mogleg å førehandsbestilla: 16 senger
– Tal på ekstra madrasser i hovudhytta: 9 madrasser

Fasiliteter på hytta
Begge hyttene har opphaldsrom med vedomn, godt utstyrt kjøkken og soverom med senger. Uthuset har do og propanlager.

• Sengene har puter og dyner. Du må ta med eigen lakenpose/sovepose. Her finn du også ein del ekstra madrasser og rikeleg med ullteppe dersom alle sengene er opptekne.
• Vannkjelde: Kaldavatni. Fylg skiltinga ned til vasskjelda.
• Fullt utstyrt kjøkken, lys frå solcelleanlegg, propananlegg til koking og vedomn til oppvarming.
• Hovudhytta har gasskomfyr, slik at du kan baka brød, bollar og ha kakefest om du ynskjer. Luksus!
• Ubetjente hytter: Ikkje proviantlager
• Hund: Det er hundebur i gangen på begge hyttene. Ver merksam på at hunden ikkje skal vera inne i hyttene av omsyn til til dei som har allergi.
• Søppel: Me oppmodar alle å ta med søppelet heim.
• Det er ikkje mobildekning i hyttene, men du finn oppslag på hyttene kvar du finn dekning
• Hytta er ulåst.

Aktivitetar/ruter:

Fiske: Det er mange vatn i område, så her kan du prøva fiskelukka! Fiskekort kan kjøpast på Upsete i ei sjølvbetjent kasse ved tunnelmunninga. Eller kjøp fiskekort for Ulvik statsallmenning her

– Frå Upsete til Kaldavasshytta (sommarrute)

– Frå Myrdal til Kaldavasshytta (sommarrute)

– Frå Hallingskeid til Kaldavasshytta (sommarrute)

– Frå Upsete via Kaldavasshytta til Myrdal (sommarrute)

– Upsete – Kaldavasshyta – Vossaskavlen – Hallingskeid (sommarrute)

– Frå Upsete til Kaldavasshytta (vinterrute). Ruta blir kvista i god tid før påske

– For dei som vil gå dagsturar frå hytta er det verdt å nemna den flotte vårskituren til Vassfjøra og hausttur i områda rundt Vossaskavlen.

Aktuelle kart
KART: 10039 Hardangerjøkulen, Norge-serien

Transport til startpunkt
Ta toget til Upsete, Myrdal eller Hallingskeid.

Medlemskap
Som medlem i DNT får du rabatt på overnatting på 550 DNT hytter, turar og kurs m.m. Merk! Born frå 0 -12 år som er medlem får gratis overnatting på DNT hytter.

Gruppebestillingar:
18. – 20. oktober: 14 pers
22. – 23. februar: 14 pers

Gløymd å betala under/etter opphaldet?
Enten kan du nytta “DNT hyttebetaling” app, eller so kan du vippsa til 744191

Denne hytta har fått stønad av Norsk Tipping