Torfinnsheim

Om Torfinnsheim
Torfinnsheim er ei ubetjent hytte som er ope heile året. Hytta ligg vakkert til i høgfjellsterrenget på Gråsida og er eit ideelt utgangspunkt for både korte og lange dagsturar. Kortaste ruta til Torfinnsheim er frå Hodnaberg, som er 2 km og ca 280 høgdemeter.

Lokasjon
Torfinnsheim ligg i vestenden av Gråsidefjellet i den sørlege delen av Voss. Hytta ligg på 892 m.o.h. og er plassert rett ved Torfinnsvatnet.

Føremelding, 9. april 2025
NB! Grunna lite snø er ikkje ruta over Gråsida kvista i år.

Ved parkeringa på Hodnaberg er det best å gå på beina opp sommarruta. Rett etter sherpatrappene (ein knapp km på beina) kan du ta skia fatt og gå vidare innover til Torfinnsheim. Merk at det er stadvis lite snø og du må belaga deg på å enten labba over litt lyng eller ta på og av skia

Frå Torfinnsheim kan du gå innover til Nansenbu. Merk at også her er det stadvis lite snø og du må belaga deg på å ta på og av skia undervegs.

NB! Det er ikkje trygt å gå over Torfinnsvatnet.

Merknad vinter
Snømengdene og vindretninga varierer frå år til år og gjennom sesongen. Nokre gonger legg det seg mykje/ ein del snø framfor rømningsvegar og inngangsparti. Ver budd på å bruka tid på å spa fram rømningsvegar og inngangsdører.

Om hytta
Her finn du tre bygningar: ei hovudhytte, utedo og ei naudbu. Hovudhytta er stor med god plass og høver godt for større grupper/skuleklassar.
- Tal på senger: 28 senger fordelt på seks soverom.
- Tal på senger som er mogleg å førehandsbestille: 24 senger fordelt på fem soverom

Fasilitetar på hytta
Hytta har eit stort opphaldsrom, kjøkken og seks soverom.

• Senger: Sengene har puter og dyner. Ta med eigen lakenpose/sovepose.
• Hytta har straum til matlaging
• Godt utstyrt kjøkken med kjøleskåp og komfyr
• Straum og vedomn til oppvarming
• Hytta har ikkje proviant
• Vatn: Hytta har innlagt vatn.
• Hund: Det er mogleg å ha hund inne i vedboden. Ver merksam på at hunden ikkje skal vera inne på kjøkken, stove eller soverom.
• Me oppfordrar alle til å ta med søppelet sitt heim.
• Ulåst hytte

Aktivitetar/turforslag
Hodnaberg – Torfinnsheim: Frå Hodnaberg går T-merka sti fram til hytta, gangtid ein god time.

Torfinnsheim – Kiellandbu

Torfinnsheim – Gråsida/Nansenbu

Torfinnsheim – Vendig: Om sommarsdagen er det og T-merka sti til Vending.

Transport til startpunkt
Sjå www.entur.no for moglegheitene du har for å reisa kollektivt til Hodnaberg.

Medlemskap
Som medlem i DNT får du rabatt på overnatting på 550 DNT-hytter, turar og kurs m.m. Merk! Born frå 0 -12 år som er medlem får gratis overnatting på DNT hytter. Bli medlem her

Historie
Torfinnsheim var brakkeby ved reguleringa i område og Voss Utferdslag fekk kjøpa hytta hjå BKK i 1956.

Aktuelle kart:
Norge-serien: Voss 10038

Anna informasjon
- Ruta over Gråsida, via Torfinnsheim blir kvista rett før påske.

Gruppebestillingar
3. - 4. mai: 25 pax
4. - 6. juli 2025: 14 pax
8. -9. august 2025: 10 pax
15. - 16. august 2025: Mange frivillige overnattar i samband med arrangementet Vossamarsjen.

Denne hytta har fått støtte av overskuddet fra spillemidlene til Norsk Tipping