Om Tvinnestølen
I Vossafjella, rundt sju kilometer nord for Lønahorgi, finn du Tvinnestølen. Dette er ei ubetjent hytte som er ope heile året. Området rundt Tvinnestølen er vilt og vakkert. Hyttene og turområde passar både for barnefamiliar og dei som er spreke!

Den kortaste ruta til Tvinnestølen på sommaren er den merka T-ruta frå Voladammen til Volahytta og vidare til Tvinnestølen, som er om lag 6 km. Perfekt for barnefamiliar!

Lokasjon
Tvinnestølen ligg i fjellområde mellom Voss og Eksingedalen, vest for garden Afdal og aust for Volahytta. Dei to hyttene ligg vakkert til ved Øvsta Piksvatnet, rundt 1060 meter over havet.

Merknad vinter
Snømengdene og vindretninga varierer frå år til år og gjennom sesongen. Nokre gonger legg det seg mykje/ ein del snø framfor rømningsvegar og inngangsparti. Ver budd på å bruka tid på å spa fram rømningsvegar og inngangsdører.

Om hytta
Her finn du to hytter: Ei hovudhytte og ei sikringshytte. Sikringshytta, den minste hytta, er eit gamalt sjarmerande sel. Selet vart oppgradert i 2017, men har framleis det gamle stølspreget. I 2021 bygde Voss Utferdslag hovudhytta.
– Tal på senger: 17 ( 11 i hovudhytta og 6 i selet)
– Tal på senger som er mogleg å førehandsbestilla: 15 senger
– Tal på ekstra madrasser i hovudhytta: 7 madrasser

Fasiliteter på hytta
Hyttene har opphaldsrom med vedomn til oppvarming, fullt utstyrt kjøkken og soverom med senger.

• Sengene har puter og dyner. Du må ta med eigen lakenpose/sovepose.
• Du finn vatn i elva rett ved sida av hytta.
• Hyttene har lys frå solcelleanlegg og propananlegg til koking. Hovudhytta har også gasskomfyr, så du kan baka ferskt brød til frukosten. Luksus!
• Hyttene har ikkje proviant.
• Hund: Det er hundebur i gangen på sikringshytta. Ver merksam på at hunden ikkje skal vera inne i hovudhytta av omsyn til til dei som er allergiske.
• Søppel: Me oppmodar alle å ta med seg søppelet heim.
• Hytta er ulåst.
• Det er ikkje mobildekning i hyttene, men du finn oppslag på hyttene kvar du finn dekning. (Om lag 1 km frå hytta)

Aktivitetar/turforslag:
Fiske: I området er det mange gode fiskevatn. Ta med deg fiskestang og kjøp fiskekort på inatur før avreise.

– Tur frå Voladammen til Volahytta

– Tur frå Volahytta til Tvinnestølen

– Frå Tvinno til Tvinnestølen

– Frå Mølster (Voss) til Tvinnestølen

– Frå Bavallen (Voss) til Tvinnestølen

Kollektiv transport til startpunkt
Om du vel ruta frå Mølster til Tvinnestølen kan du starta heilt frå Voss sentrum.
Om du vel ruta frå Tvinno til Tvinnestølen kan du ta buss til Tvinnefossen og starta turen derfrå. Bruk www.entur.no for å finna busstider til Tvinnefossen.

Naturvern
Det er eit rikt dyreliv i området. Ofte kan ein treffa på reinsdyr, hare og ryper med meir. Merk at villreinen sitt leveområde er under press, og vis ekstra omsyn rundt tida kring kalving: 15. april – 15. juni. Her kan du lesa meir om korleis du kan ta omsyn når du ferdast i et villrein-område.

Medlemskap
Som medlem i DNT får du rabatt på overnatting på 550 DNT hytter, turar og kurs m.m. Bli medlem her. Hugs at born frå 0 -12 år som er medlem får gratis overnatting på dei fleste DNT- hyttene.

Gruppebestillingar